Monthly Archives: November 2000

元神壽司

今日中午突然想食壽司,一心諗住行上去元味,但去到見佢好似唔做午市咁,就行過隔離的姊妹店元神壽司。聽人講呢間野好抵食,加上對元味有信心,就入去試下。一打開menu,發覺都唔算抵喎,D 價錢係一般日本料理價錢,唔係特別平。 我叫左個壽司定食,過一陣送到黎一睇,吓!?只得六件加六粒鐵火卷,一碗麵豉湯,兩件橙???真係太少啦!果六件仲有一件蛋壽司同蟹柳,個定食成$85喎!又話抵食???雖然大件,水準都好好,但我一D都唔覺得抵!下次都係去番元味算啦! P.S.:而家元神又開多兩間,又係同一條街,勁似加太賀!希望佢唔好似加太賀咁越做越差啦!
Posted in 我食故我在 | Leave a comment

麥記美國上醬堡

聽見咁多網友彈麥記個美國上醬堡,反而令我更想試,今日放工就整個頂肚。 照計肚餓時應該食乜都好味,但我一打開個紙包,就覺得震味唔好聞,一咬落去更不堪切想,真係想即刻掉左佢。但阿媽話掉野食第日會節墮,唯有食埋佢。 呢個飽真係麥記有史以黎最差果個,嘔~~
Posted in 我食故我在 | Leave a comment