今日中午突然想食壽司，一心諗住行上去元味，但去到見佢好似唔做午市咁，就行過隔離的姊妹店元神壽司。聽人講呢間野好抵食，加上對元味有信心，就入去試下。一打開menu，發覺都唔算抵喎，D 價錢係一般日本料理價錢，唔係特別平。
我叫左個壽司定食，過一陣送到黎一睇，吓！？只得六件加六粒鐵火卷，一碗麵豉湯，兩件橙？？？真係太少啦！果六件仲有一件蛋壽司同蟹柳，個定食成$85喎！又話抵食？？？雖然大件，水準都好好，但我一D都唔覺得抵！下次都係去番元味算啦！
P.S.:而家元神又開多兩間，又係同一條街，勁似加太賀！希望佢唔好似加太賀咁越做越差啦！
