Monthly Archives: January 2001

五點先知屋企無飯開，即刻搵朋友開飯，又俾我搵到個新界友，咁就捉左佢去龍華酒店。 龍華酒店在瀝源村後面，我唔知呢間野而家仲有無酒店服務，只知佢將大部份地方都作為酒樓。 龍華最出名乳鴿，我都係因為想試先黎，當然要叫啦！其餘仲叫左京都骨，牛腩煲同腿汁扒雙蔬。乳鴿真係好好食，皮夠脆，肉夠嫩，又夠香，正！但除左呢樣，其餘都唔係好掂，同埋呢間野幾貴，咁叫都差唔多四百。 2005年1月25日按：龍華酒店後來水準不斷下降，大家不用去了。