很多人說股市＝估市，我十分認同。近幾年多看了財經新聞，才知道股市真是「靠估」。還記得有年滙豐公佈業績，公佈前分析師都說滙豐大賺，股價應該會升。結果卻是因為賺得沒預期的好，股價便隨即下跌。賺幾百億也跌，真像雙手拿着錢大喊給人打劫。
股市，其實只是心理遊戲，那些甚麼技術分析、圖表分析通通多餘；只要全世界認為會升，那怕禽流感還是沙示，一樣會升。只要大家認為跌，失業率低過2%也會跌，只要看看歷年股市年報便知道了。
至於窩輪，其實我去賭場賭錢沒甚麼分別，都是莊家（發行商）的贏面大，主要是窩輪有時限，莊家又可以隨時控制市場上的發行數量，可以說是比賭場更難贏。所以說炒窩輪和賭場，我寧願去賭場了，起碼可以摸摸撲克牌、骰仔、老虎機等，有實質的感覺之餘，氣氛也比較好。
期指更是危險，不是說指數上落大，指數每天的上下都是100-200點以內，大型期指50元1點，1天最多一萬幾千的上落，對炒賣人仕來說，根本不算甚麼。最恐佈的，是炒期指的人通常用「孖展」戶口，手上拿着10萬，透過「孖展」擴大到100萬。贏當然好，但輸起上來，怎樣填補手頭上10萬以外的負債呢？
炒股唯一必勝法，只有長期定期投資，例如每月投資恆生指數成份股或各種基金，長遠來說是必賺的，就算不好彩遇着百年難得一見的10-20年經濟大蕭條，你也會是最後輸的那個。不過，人總是貪心的，投資到股票市場的人，都是想賺快錢的，又怎會以這種像銀行儲蓄般的方法投資呢？:馬天尼:
1) 股市＝估市
唔完全認，depends on 你係用咩心態入市。如果短炒，就當然係得個估啦；中線o既( 1 年 ~ 5 年) 就比較容易去預測；長線o既就好似你講咁，升升跌跌都冇所謂，10 年埋數一定有賺 (given that 隻o野o既基本因素係好)
2) 賺得沒預期的好，股價便隨即下跌
正常過正常啦，因為o係全世界都睇好o個時，個股價就已經俾人推到去o個個預期業績o既相應價錢，甚至更高，當結果比預期差就自然會回吐啦，所以人o地話有好消息就係出貨o既好時機….
3) 股市，其實只是心理遊戲，那些甚麼技術分析、圖表分析通通多餘；
我諗你唔係好清楚乜叫技術分析、圖表分析，技術分析同圖表分析正就係股市走勢係受認為市場心理影響，所以就用市場數據去預測市場心理，that means 如果你真係認為股市係心理遊戲，就冇乜理由會唔信技術分析；而相對技術分析o既基本分析就係認為投資者o既心理因素係唔會影響股市。另外，股市走勢同實際經濟走勢是唔同步o既，所以如果單純以為”失業率低過2%也會跌” 就一定會升就太過天真啦.
4) 窩輪，其實我去賭場賭錢沒甚麼分別
如果認為股市＝估市，咁以正股價去定價o既窩輪就一定係賭錢工具啦。冇可否認，莊家唔止係”贏面大”，而係”包贏”，理論上同印銀紙冇咩分別，問題係同你”對玩”o既唔係莊家，而係一街都係o既散戶，你唔一定係輸硬。莊家可以隨時控制市場上的發行數量其實係唔會影響窩輪價值，同期權、期指一樣，街貨有幾多佢都係要俾咁多錢你，唔會有攤分效應。如果覺得窩輪有時限係不利買方，咁不如轉過o黎做賣方，去沽期權，咁時限就係有利o既因素啦。不過話就回來，我諗你都唔係好明窩輪o既用途所以先會話買窩輪係賭錢，窩輪主要o既用途係對沖手頭上o既正股，而唔係單買窩輪去賺錢。
5) 期指更是危險
我唔反對，不過同上，期貨主要o既用途係對沖手頭上o既正股，而唔係單買期貨去賺錢。
6) 炒股唯一必勝法，只有長期定期投資
我非常認同，我都係用月供基金去投資，唔洗煩，又唔洗成日睇住個市。
- 圖表分析其實可以分別捕捉長期, 短線, 中線的趨勢
- 沒有人可以預知股價, 只可以分析expected return
- 股價有本身價值和市場價值, 有些人未清楚公司的finance position就入貨, 當然損手爛腳
- 基金不錯呀, 不過很多客戶都不知基金裡的投資項目. 有時都要為客人揀選項目
- 利用期貨, 其實可以減低損失, 一樣說法, 對沖股票市場上的虧蝕可由期貨市場上的盈利補上.
風險同利潤成正比，但窩輪風險太高，不成比例，不應投資。
香港的股市沒有圖表可言，因為小弟從前學圖表時，是跟據美國債券市場develop出來的圖表理論，什麼波浪理論、四度空間我都會，但用在港股都是沒有用的，太多政治因素影響，連最基本的利率都不能自己決定，更不可能用常理的圖表去解悉，只有在沒有基本因素支持下，編輯又催稿時，小弟才會用圖表分析來蒙混過去…:下:
cskiller, 你所提及的風險, 往往投資者經常忽略, 正如Ryan所說他們想賺快錢, 但其實沒想過所帶來的後果. 投資最主要是看客戶能承受多少風險, 其實我是在澳洲工作, 亦暫時限於super fund, finance mortgage, 我要學的東西還有很多, 請多多指教.
寂兄，好多謝你的留言，應該是這裏最長的留言了。對，我對股市其實沒甚麼認識，只是說說自己的感受。不過圖表分析，我認為多餘是因為看過有關書藉，譬如說2個峰拉成一條直線，之後第3個峰便會去到那條直線才回落或上升，但中間去不到的便不說。那些頭肩頂，都是成了形狀才看得出。如果看到頭肩再推斷下一個肩，都只是大約預測到某個範圍，萬一成不到形，便又不說是頭肩頂了；就算能成形，但那天才算真正成形呢？我說多餘是以此情況來說，可能和寂兄認為的不同，不好意思。:飲杯:至於窩輪，都是像你般的高手玩的，我是以新手來說，所以大家所見不同。
cskiller，如你所說，香港社會愈來愈被其他因素影響，長遠來說對整個金融體系也不好，:嘆氣:
To cskiller
“風險同利潤成正比，但窩輪風險太高，不成比例，不應投資。”
其實如果用窩輪做 hedging 係好化算，因為買好少沽輪就已經可以 hedge 一個好大o既portfolio。如果個市跌，窩輪賺o既可以 cover 到正股輸o既；如果個市升，你都只係輸o左買沽輪o既錢，估你成個 portfolio 1~2%，正股賺到o既一定夠 cover。
“小弟從前學圖表時，是跟據美國債券市場develop出來的圖表理論”
基本上，圖表分析係唔可能用o係債市，因為債券分析同股市分析有係天同地o既分別，債券走勢係關係到 yield curve 走勢同斜率 (trend and slope)，而且年期唔同又會有唔同o既反映，我真係未聽過債市有圖表派出現過。
“什麼波浪理論、四度空間我都會，但用在港股都是沒有用的”
好坦白講，我都唔係好信依兩個所謂o既技術分析，依兩個方法只係因為全套技術分析o既內容太大，simplify o左之後先至產生，所以好多時都係冇乜預知性(尤其係波浪理論)。我通常都用RSI 同隨機指數，我對背後個theory 比較接受，雖然唔算得上百發百中，不過如果出現背馳(divergence)，可以講，我見10 次有9 次都係轉向市。
To danRyan,
我唔算咩高手，只係日做夜讀，一日都對住，見得比較多o者。
你問頭肩頂幾時先算成形，分析方法有好多，唔同人、唔同行都有唔同做做方，不過一般都識同係以跌破頸線3%以上(即兩次下跌後回升o既水位)為準，而且跌得好快(1~2日跌3%)，而跌幅就會係約頸線同頭之間o既距離。有時可能會有後抽，不過只要唔升返上頸線以上，好快又會跌返落去。
我通常好少睇頭肩頂底 or 楔形，形成時間長，但你只係可以知佢完全o左未，就唔會佢幾時完成。我通常都睇上升 or 下跌通道，命中率高之餘，我重可以o係佢上上落落o個時低買高賣，破底/破頂就反手做淡/做好，唔係次次中，不過 overall 都有斬獲。
其實香港股市已經比好多地方好啦，唔講中國依個咁黑暗o既世界先啦，就算比台灣(100%政治市)、日本(透明度低、regulation 好多)、加拿大(靜過死海)等等都好好多，近幾年政治上雖然亂七八糟，so far 都未燒到去個市度。其實全世界股市一向都唔係睇盤數就知個價，好似美國大選咁，次次共和黨上就升、民主黨上就跌，真係想知共產黨上會點:下:，只不過香港一向都係咁幸運，個市一直都走得好”單純”，依家只係正常化o者。
我都認同你的「香港股市比其他地方好」的觀點，相比台灣大陸，真是去賭場玩去過；相比一些沉悶的股市，又和銀行儲蓄差不多。不過，就算美國市場，也是美國政府控制着，只不過人家控制得有技巧，給股民賺錢機會。:飲杯:
to寂:
大家交流下o者，美國債市有長債同短債，長債就無人玩但事實上好d 分析工具係由長債市場develop出黎。
講到分析工具，我既結論係，9日RSI配搭14日moving average係短市最好指標，如果你手上咩工具都無，moving average先係最簡單又準確分析工具，RSI可以睇到背馳轉向，但轉向力度，未必可以預見，有機會出現「假穿」或假背馳，當然你可以用經驗搭夠，但分析永遠要中立客觀，唔好覺得會咁就加入主觀看法。:電:
我真係冇聽過有o的咩股市分析工具係由債市發展過o黎，孤陋寡聞，乞君賜教。
以我所知，早期分析工具係由Dow Theory 發展出o黎，比較近期o既就係由金額統計學推論出o黎(e.g. Bollinger’s bands)。
至於債市，一般都唔會直接o係個價表上面用技術分析，因為債券同股票唔同，股票主要係由供求決定價格，而債券就由rating 、年期同利率去決定價格，長債就更加受佢o地影響，rating同年期就一定冇得用技術分析，估計利率走勢就比較接近經濟學，即係基本分析派。情形其實同期權、窩輪差唔多。
睇o左7 、8年股市債市，就會發覺所有o既技術分析都要經驗搭救，尤其係用好似moving average 依o的已經好多人知o既分析工具，好簡單，因為o的大行好鍾意舞高弄低，做到個圖靚一靚，等o的散戶睇技術分析以為好好，推高個市之後大行出貨。
所以有人話愈公開o既分析工具就愈唔準。而有o的人唔信技術分析，就係因為佢o地太過依賴依o的過o左有效期o既分析工具。
而我通常都只係睇上升 or 下跌通道，就係想返璞歸真，去返Dow Theory o既基本理論。
好久沒有回來了﹐壞人兄好嗎﹖大家好。:好::飲杯:
呵呵﹐在聊股市啊﹐我也插插嘴﹐班門弄斧。:噫:
小弟其實只是散戶一個﹐僥倖贏錢幾次﹐所以繼續有錢玩玩股市而已。不像樓上幾位大哥﹐我不太玩技術分析﹐大都只看年報作長線投資。不過﹐一些很簡單的分析我懂得用──MA﹐快慢線﹐MACD﹐RSI和四度空間﹔最近在學乾坤燭﹐玩外匯滿可以的。話說回來﹐學技術分析純粹是為了知道股市正在做什麼﹐真正入場的話我都是先計好心水價錢﹔始終﹐錢是自己的﹐有血有淚﹐輸了可惜﹐所以我寧願很謹慎地做功課選股。不過﹐我認為看大勢的話還是得學經濟才行﹐做scalpler的話真的要經驗十足。
相對於英美日本﹐香港股市還是太細少了﹐一天的成交量只百多億港元﹔再者﹐恆指大戶當道﹐說股市＝估市的話倒不如說它其實只是一個大騙局﹐像寂兄所說﹐散戶很容易便墮入大戶設下的技術陷阱。:-?
至於期指窩輪期權﹐我覺得還是維持它原本的用法──對沖為好﹔炒窩輪最緊要快﹐狠﹐準﹐聽消息的話死路一條:嘔:﹐因為歐式期權比美式期權難玩得多。聽過很多人借孖展炒期指炒到跳樓﹔前兩年炒期油（尤其是黑期油）聽說也死很多人。如果說承受風險的話其實我能承受的風險只屬一般﹐而自己的投資組合也是金字塔形式的﹐訂多只是玩玩小期訓練技術分析。:好笑死:
最後﹐大家有否發現美國樓市正在步香港樓市的後塵﹖而後者更是死灰復燃……唉﹐我們究竟什麼時候才會學精﹖:諗下先:
無塵咪鬼咁客氣啦！你o黎過幾次我當你熟朋友o架啦～啤啤佢先！:飲杯: